આમ રેતી માં રમીએ તો કેવું !

લાંબી છડીથી પછી પોતાની આસપાસ 'કુંડાળું' કરીએ તો કેવું?
આમ રેતી માં રમીએ તો કેવું !

સૂરજ ને પૃથ્વી તો ગોળગોળ કાયમના; (પણ) ચાંદાનું ઠેકાણું કંઈ નહીં!
ગોળગોળ મીંડું ને મીંડામાં કાણું ને કાણામાં દેખાણું કંઈ નહીં!
ઓલા અડધા ચાંદાને પછી ઓરસિયે મૂકી ને ગોળગોળ વણીએ તો કેવું?
આમ રેતી માં રમીએ તો કેવું !

મારાજ માથાપર થપ્પાનો દાવ ને મારે મને જ શોધવાનું !?
ઓલી ઉભી બજાર ની સુતેલી શેરી ના દર્પણને ઢંઢોળવા નું?
આપણ ને આયનાઓ ઓળખી ન જાય, માટે મ્હોરાઓ પહેરીએ તો કેવું!!
આમ રેતી માં રમીએ તો કેવું !

=Makarand Musale